வைகாசி மாத வளர்பிறை முகூர்த்தம் சேலம் சுகவனேஸ்வரர் கோயிலில் ஒரே நாளில் 34 திருமணம் நடந்தது
6/8/2016 2:35:47 PM
சேலம்: சேலம் சுகவனேஸ்வரர் கோயிலில் இன்று ஒரே நாளில் 34 ஜோடிகளுக்கு திருமணம் நடந்தது.வைகாசி மாத வளர்பிறை முகூர்த்தத்தையொட்டி சேலம் சுகவனேஸ்வரர் கோயிலில் இன்று ஒரே நாளில் 34 ஜோடிகளுக்கு திருமணம் நடந்தது. இதையொட்டி அதிகாலையிலேயே மணமக்களுடன் குவிந்தனர். கோயில் மண்டபம், சுவாமி சன்னதியில் திருமண ஜோடிகளுக்கு அர்ச்சகர்கள் திருமணம் செய்து வைத்தனர். கோட்டை பெருமாள் கோயில், தாரமங்கலம் கைலாசநாதர் கோயில், பேளூர் தான்தோன்றீஸ்வரர் கோயில், உத்தமசோழபுரம் கரபுரநாதர் கோயில், அம்மாப்பேட்டை குமரகுரு சுப்ரமணிய சுவாமி, குமரகிரி தண்டாயுதபாணி சுவாமி கோயில் உள்பட சேலம் மாவட்டத்தில் உள்ள சிவன், அம்மன், விநாயகர், முருகன், பெருமாள் கோயில்களில் ஏராளமான ஜோடிகளுக்கு திருமணம் நடந்தது.
