மதுராந்தகத்தில் மாரியம்மன் ஆலய பொங்கல் விழா
6/1/2016 2:16:13 PM
மதுராந்தகம்: மதுராந்தகம் நகரில் அருள்மிகு ரேணுகாபரமேஸ்வரி மாரியம்மன் ஆலயம் அமைந்துள்ளது. இக்கோயிலில் நேற்று பொங்கல் விழா வெகு சிறப்பாக நடைபெற்றது.இவ்விழாவை முன்னிட்டு, கடந்த சில நாட்களுக்கு முன் அம்மனுக்கு காப்பு அணிவித்தல் நிகழ்ச்சியுடன் விழா துவங்கியது. அன்று முதல் நாள்தோறும் அம்மனுக்கு பல்வேறு சிறப்பு அபிஷேக, ஆராதனைகள் நடைபெற்று வந்தன.இவ்விழாவின் முக்கிய நிகழ்வாக, நேற்று கூழ்வார்த்தல் நிகழ்ச்சியும் பெண்கள் அம்மனுக்கு பொங்கல் வைத்து நேர்த்திக்கடன் செலுத்தி வழிபட்டனர். பின்னர் நேற்றிரவு சர்வ அலங்காரங்களுடன் அம்மன் திருவீதியுலா நகரின் முக்கிய வீதிகள் வழியாக நடைபெற்றது.
மற்றும் நாடக கலைஞர்கள் பங்கேற்ற நாடக நிகழ்ச்சியை ஆயிரக்கணக்கான மக்கள் கண்டுகளித்தனர். இவ்விழாவில் மதுராந்தகம் நகரம் மட்டுமின்றி அதைச் சுற்றியுள்ள பல்வேறு கிராமங்களில் இருந்து ஏராளமான பக்தர்கள் கலந்து கொண்டு நேர்த்திக்கடன் செலுத்தினர்.இந்நிகழ்ச்சியின்போது ஏராளமான பக்தர்களுக்கு அன்னதானம் வழங்கப்பட்டது. இந்நிகழ்ச்சிகளுக்கான ஏற்பாடுகளை விழா குழுவினர் சிறப்பாக செய்திருந்தனர்.
