பள்ளிப்பட்டில் திடீர் மழை... விவசாயிகள், மக்கள் மகிழ்ச்சி
6/24/2019 3:13:08 PM
பள்ளிப்பட்டு: ஆர்.கே.பேட்டை, பள்ளிப்பட்டு பகுதிகளில் கடந்த சில தினங்களாக வெயிலின் தாக்கம் அதிகமானதால் பொதுமக்கள் பெரிதும் சிரமத்துக்குள்ளாகி வருகின்றனர். இந்நிலையில், நேற்று மாலை 4 மணி அளவில் ஆர்.கே.பேட்டை, பள்ளிப்பட்டு பகுதியில் குளிர்ந்த காற்று வீச தொடங்கியது. திடீரென இரவு 7.30 மணிக்கு பலத்த மழை பெய்தது. இந்த மழை 9 மணி வரை நீடித்தது. இதனால், சாலையில் இருபுறங்களிலும் மழைநீர் பெருக்கெடுத்து ஓடியது. திடீர் மழையால் வெப்பம் குறைந்து குளிர்ச்சி ஏற்பட்டதால் மக்கள் மகிழ்ச்சியடைந்தனர். மழையின் காணமாக ஒரு மணி நேரம் மின்தடை ஏற்பட்டது. விவசாய நிலங்களில் பயிர்கள் கருகிவரும் நிலையில், திடீர் மழை விவசாயிகளை மகிழ்ச்சியடைய செய்துள்ளது.
