காஞ்சி, தாம்பரத்தில் திமுக ஆர்ப்பாட்டம்
6/24/2019 3:06:58 PM
காஞ்சிபுரம்: தலைவிரித்தாடும் தண்ணீர் பஞ்சத்தை போக்க வலியுறுத்தி காஞ்சிபுரம் வடக்கு மாவட்ட திமுக சார்பில் தாம்பரத்தில் தா.மோ.அன்பரசன் எம்எல்ஏ தலைமையில் இன்று ஆர்ப்பாட்டம் நடந்தது. ஸ்ரீபெரும்புதூர் எம்பி டி.ஆர்.பாலு, எம்எல்ஏக்கள் எஸ்.ஆர்.ராஜா, வரலட்சுமி மதுசூதனன், இ.கருணாநிதி, அவைத் தலைவர் சேகர், துணை செயலாளர்கள் வெ.விஸ்வநாதன், அன்புசெழியன், கலைவாணி காமராஜ் உள்ளிட்ட மாவட்ட, நகர, ஒன்றிய, பேரூர் செயலாளர்கள், அணிகளின் அமைப்பாளர்கள் 2 ஆயிரம் பேர் கலந்து கொண்டனர்.
காஞ்சிபுரம் தெற்கு மாவட்ட திமுக சார்பில் காஞ்சிபுரம் தாலுகா அலுவலகம் முன்பு ஆர்ப்பாட்டம் நடந்தது. மாவட்ட செயலாளர் க.சுந்தர் எம்எல்ஏ தலைமை வகித்தார். காஞ்சிபுரம் எம்பி செல்வம், எம்எல்ஏக்கள் எழிலரசு, ஆர்.டி.அரசு, புகழேந்தி, நகர செயலாளர் சன்பிராண்ட் ஆறுமுகம் உள்ளிட்ட மாவட்ட, நகர, ஒன்றிய, பேரூர் செயலாளர்கள், அணிகளின் அமைப்பாளர்கள் ஆயிரக்கணக்கானோர் கலந்து கொண்டனர்.
