புதுச்சேரியில் என்ஆர் காங். திடீர் சுறுசுறுப்பு
2/28/2019 3:14:14 PM
புதுச்சேரி: புதுச்சேரியில் நாடாளுமன்ற தேர்தலுக்கான ஆயத்த பணிகளில் ஆளுங்கட்சியான காங்கிரசும், எதிர்க்கட்சியான என்ஆர் காங்கிரசும் ஈடுபட்டு வருகிறது. இதில் காங்கிரஸ் கட்சியில் வேட்பாளரை தேர்ந்தெடுப்பதில் கட்சியின் அகில இந்திய தலைமை தீவிரமாக ஈடுபட்டுள்ளது.
இந்நிலையில், தேர்தல் பணிகளில் முதலில் சுணக்கம் காட்டிய என்ஆர் காங்கிரஸ், தற்போது தீவிரம் காட்டத் தொடங்கி உள்ளது. அக்கட்சியில் வேட்பாளராக நிறுத்த டாக்டர் நாராயணசாமி கேசவன் தயாராகி விட்ட நிலையில், அதிமுக கூட்டணியை உறுதிசெய்த ரங்கசாமி, தற்போது கூட்டணி கட்சிகளின் நிர்வாகிகளை சந்தித்து தேர்தல் பணிகள் குறித்து ஆலோசித்து வருகிறார். நேற்று தைலாபுரத்தில் பாமக நிறுவனர் டாக்டர் ராமதாசை சந்தித்து பேசிய அவர், மாலையில் புதுச்சேரி வந்திருந்த பாஜக தேசிய செயற்குழு உறுப்பினர் இல.கணேசனை சந்தித்து பேசினார். அடுத்ததாக புதுச்சேரி மாநில அதிமுக நிர்வாகிகளை சந்திக்க திட்டமிட்டுள்ளார்.
