தனலட்சுமி சீனிவாசன் கல்லூரியில் சர்வதேச இளையோர் கூட்டமைப்பு புரிந்துணர்வு ஒப்பந்தம் புதுப்பித்தல்
2/21/2019 2:39:57 PM
காஞ்சிபுரம்: மாமல்லபுரம் தனலட்சுமி சீனிவாசன் பொறியியல் மற்றும் தொழில்நுட்ப கல்லூரியில், சர்வதேச இளையோர் கூட்டமைப்புடனான புரிந்துணர்வு ஒப்பந்தம் புதுப்பித்தல் விழா நேற்று நடந்தது. விழாவுக்கு, கல்லூரி முதல்வர் சேகர் தலைமை தாங்கினார். சர்வதேச இளையோர் கூட்டமைப்பு சார்பில் கல்வித்துறை இயக்குநர் யங்ஜங் சியேல் மனவியல் கல்வி என்னும் தலைப்பில் சிறப்புரையாற்றினார். பின்னர், சர்வதேச இளையோர் கூட்டமைப்பு தலைவர் யோ யான் கில், தமிழ்நாடு இயக்குநர் ஜோசியா யங், தேசிய அளவிலான இயக்குநர் பாங் யான் கிம், டெல்லி இயக்குநர் பால் சாங், கர்நாடக இயக்குநர் தாமஸ் ஹண்டர்சன் உட்பட பலர் கலந்துகொண்டு பேசினர். விழாவில், இளையோர் கல்வி மற்றும் கலாசார பரிமாற்ற பயன்பாடு, தென்கொரிய பல்கலைக்கழகங்களில் மேற்படிப்புக்கான வாய்ப்பு குறித்தும் விவாதிக்கப்பட்டது. இதைத்தொடர்ந்து கல்லூரி மாணவர்களின் கலை நிகழ்ச்சிகளும் நடந்தது.
