பிளாஸ்டிக் பேக்கில் தாய் சடலம்: மகளை கைது செய்து விசாரணை
3/15/2023 5:47:50 PM
மும்பை: மகாராஷ்டிரா மாநிலம் மும்பை லால்பாக் பெரு காம்பவுண்ட் பகுதியில் மர்மமான பிளாஸ்டிக் பை கிடப்பதாக போலீசாருக்கு தகவல் கிடைத்தது. சம்பவ இடத்திற்கு சென்ற போலீசார், அந்த மர்ம பையை பிரித்து பார்த்த போது சுமார் 50 முதல் 55 வயது மதிக்கத்தக்க பெண் ஒருவரின் சடலம் கிடந்தது.
அதையடுத்து அந்த பெண்ணின் உடலை பிரேத பரிசோதனைக்கு போலீசார் அனுப்பி வைத்தனர். இந்த வழக்கில் சம்பந்தப்பட்ட பெண் அடையாளம் காணப்பட்டுள்ளார். மேலும் அந்தப் பெண்ணின் 22 வயதுடைய மகளிடம் போலீசார் தொடர்ந்து விசாரணை நடத்தி வருகின்றனர்.
