கல்வி சர்ச்சை படத்தில் சாத்னா
4/19/2017 3:40:11 PM
கல்வி துறையில் நடக்கும் ஏமாற்று வேலைகள் குறித்து அப்பா, அச்சமின்றி, பென்சில் உள்ளிட்ட பல படங்கள் திரைக்கு வந்தன. மேலும் உள்ள பிரச்னைகளை மையமாக கொண்டு உருவாகியிருக்கிறது ‘எய்தவன்’. இதுபற்றி பட இயக்குனர் சக்தி ராஜசேகரன் கூறியது: கல்வி துறை பிரச்னைகள் பற்றி காலகாலத்துக்கும் படங்கள் எடுக்கலாம். என்னவிதமான பிரச்னை, ஏமாற்று வேலைகள் நடக்கின்றன என்பது பற்றி ஒரு வருடத்துக்கும் மேலாக ஆராய்ச்சி செய்தேன். இதற்காக பல்கலை கழக உயர் பொறுப்பிலிருக்கும் அதிகாரியிடம் ஆலோசித்தேன். அதில் பல விவரங்கள் தெரியவந்தது. நீட் தேர்வு பற்றியும் இதில் பேசப்பட்டிருக்கிறது. படம் பார்க்கும்போது, இதுபோன்ற பிரச்னைகளை நம் வாழ்விலும் சந்தித்திருக்கிறோமே என மாணவர்களும், பெற்றோரும் உணர்வார்கள். கலையரசன், நரேன், கிருஷ்ணா, வல்லவன், சரித்திரன் நடிக்கின்றனர். பிச்சைக்காரன் படத்தில் நடித்த சாத்னா டைட்டஸ் ஹீரோயின். எஸ்.சுதாகரன் தயாரிப்பு. சி.பிரேம்குமார் ஒளிப்பதிவு. பார்தவ் பார்கவ் இசை.
