காஜல் அகர்வாலுக்கு தொழில் அதிபர் ஆக ஆசை
4/18/2017 4:54:02 PM
நமீதா தொடங்கி ரகுல் ப்ரீத் வரை பல நடிகைகள் தனிப்பட்ட முறையில் தொழில் நிறுவனங்கள் தொடங்கி நடத்தி வருகின்றனர். நடிப்பின் மூலம் கோடிக்கணக்கில் வரும் வருமானத்தை தொழிலில் முதலீடு செய்ய ஆர்வம் காட்டும் நடிகைகள் வரிசையில் தற்போது காஜல் அகர்வாலும் சேர்ந்திருக்கிறார். தானும் தொழில் அதிபர் ஆனால் எந்த துறையை தேர்வு செய்வது என்று ஆலோசித்து வருகிறார். பிஸ்ெகட், சாக்லெட் தயாரிப்பதை கற்று வைத்திருக்கிறார் காஜல். அதை சோதனை செய்து பார்க்க பொருத்தமான இடம் தேடிக்கொண்டிருந்தார்.
சமீபத்தில் சென்னை நட்சத்திர ஓட்டலுக்கு சென்றவர் திடீரென்று அங்கிருந்த பேக்கரி பகுதிக்கு சென்று பிஸ்கெட், ரொட்டி. கேக் தயாரிப்பதை பற்றி கேட்டறிந்தார். தனக்கும் இதில் ஆர்வம் இருப்பதாக கூறியவருக்கு உடனடியாக செஃப் உடை வழங்கப்பட்டது. தொழில் நேர்த்தியுடன் அவர் பிஸ்கெட், டார்க் சாக்லெட் போன்றவற்றை தயாரித்து குவித்தார். அதை சுவைத்த சக செஃப்கள் அவரது கைப் பக்குவத்தை பாராட்டினார்கள். சீக்கிரமே நீங்கள் பேக்கரி ஆரம்பித்துவிடலாம் என்று அவருக்கு வாழ்த்து கூறினர். விரைவில் காஜல் அகர்வாலும் தொழில் அதிபர் நடிகைகள் பட்டியலில் இடம் பிடிப்பார் என்று தெரிகிறது.
